منتديات البروف لايف
مرحبا بك في منتديات البروف لايف اخي/اختي الزائر ندعوك للتسجيل في المنتدي للاستفادة من الخدمات الممنوحة للاعضاء
<div style="text-align:center">
<iframe scrolling="no" frameborder="0" src="//mellowads.com/view/316AFB2B5995" style="overflow:hidden;width:468px;height:60px;"></iframe>
<div>
<a href="//mellowads.com/networkspace/316AFB2B5995" target="_blank">Advertise here اعلن هنا باقل الاسعار </a>
</div>
</div>
المواضيع الأخيرة
عرض التعبئة المميز والجبارالجمعة مارس 25, 2016 8:13 amxxxman
قصة فتاه بالابتدائيةالإثنين مارس 21, 2016 9:06 amxxxman
لغز سفينة ماري سيلستالإثنين مارس 21, 2016 9:01 amxxxman
رجل يتزوج من جثة صديقتهالإثنين مارس 21, 2016 8:56 amxxxman
اغرب دولة بدون اطفالالإثنين مارس 21, 2016 8:40 amxxxman
امراءة لم تنم منز 31 عاماالإثنين مارس 21, 2016 8:36 amxxxman
سبحانك ربي ما أعظمكالجمعة مارس 18, 2016 9:44 pmانور زياية
بحـث
نتائج البحث
بحث متقدم
سحابة الكلمات الدلالية

برنامج  المخفية  الشبكات  اختراق  اظهار  الواي  شبكات  


شاطر
اذهب الى الأسفل
avatar
proof latefu
المدير العام
ذكر عدد المساهمات : 180
نقاط : 10464
السٌّمعَة : 11
تاريخ التسجيل : 22/07/2014
الموقع : http://proof.arab.st

ساوث افريكا !!(1-3)

في الثلاثاء أبريل 28, 2015 12:29 pm
بقلم/ بول ايزك بطال شوية
ساوث افريكا !!(1-3)
imanbata@gmail.com
اخوكم فى الله اللى هو انا زااتى كان له شرف زيارة دولة جنوب افريقيا ، يعنى ممكن تقول : زيارة عمل رسمية استغرقت (تلاتة شهور) وده كان اول مرة الواحد فينا يشوف دولة (اجنبية) احا يازول قالوا ليك الحكومة حقتنا فى الوكت داك كانت مهتمة بتأهيل الكوادر فى شتى المجالات ،ويبعث بهم فى مختلف الدول بحثا عن الماء والكلاء ، اقصد العلم والمعرفة ، عشان جنوب السودان لامن ياخد استقلالو يلقى كوادر مجهزة للتعامل مع تبعات هذا الاستقلال ، نخش فى الموضوع اول حاجة لقينا نفسنا (موظفى تلفزيون جنوب السودان) فى مطار جوبا الدولى وطبعا كما هو معروف التعامل هنا بيتم بطريقة (مدهشة) زحمة زى الليل ، الصالة تقول (بيت الايجار) سوق ام دفسو بس!!وعادى جدا تعفص ليك كرعين خواجى وللا اجنبى ، لانو الاجراءآت بيتم (وقافى) والكلام داخل القوس دا معناتا زى تكون انتا راكب ليك بص (ابورجيلة) من مايو لحدى الخرطوم ، ومحل ما تقعد مافى ، لانو اساسا مافى زول فاضى لزول ، ولادين احسن من دين ، ولا قبيلة احسن من قبيلة ، نكون سوا زى قش كبريت !! فالجميع هنا يودون (المخارجة) من هذا البلد ،عفوا هذه الزحمة – ما تفهمونا غلط ياجماعة – احا ياصحبى كملنا الاجراءآت زى ما قلتا ليك وركبنا (جت لنك) وطوالى نايروبى جاك زول !! اول حاجة فى مطار (جومو كينيتا الدولى) اخوكم فى الله لقى نفسو مافاهم حاجة !! يا جماعة ديل عالم تانى ، استلمونا ليك (دقة سريع) العدة والشنط حقتنا ماعرفناها مشت بى وين إلا بعدما خشينا الصالة ولقينا نفسنا فى عالم تندهش انت وتتعجب ثم تقوم تندهش وتستغرب من جديد ، شفتا كيف ؟ بعد الرحلة والتعب و (الجرجرة) بتاعت مطار جوبا (المحلى ) عمكم اخد ليهو راحة فى كرسى وزى ما قلتا ليك صالة تنوم فيها فى الواطة بدون (مرتبة) اول حاجة قلتا فى نفسى الواحد يولع ليهو (سيجارة) وياخد نفس نفسين فى الجو الاروبى دا ، طلعّت لى واحدة وخمشت (الزناد) ولولا ان صرخ فى وجهى احد الزملاء بعنف وذعر كان خلاس اخوكم ح يلقى نفسو فى سجن (كوبر) بتاعت نايروبى ، بس الحمد لله انو الكورة دقت فى (العراضة) وطلعت آوت !! فلقد علمت بعدئذٍ من تأنيب زميلى هذا والعبارات المكتوبة بالانجليزى والسواحلى المعلق فى جميع الارجاء حتى (الادبخانات) وبالمناسبة وعلى مؤاخذة يعنى ، ممكن تشيل (السندوتش) حقتك وتفطر هناك وكأنك فى اضخم فندق فى جوبا ، فلقد علمت ان (التدخين) ممنوع !! حسبى الله ونعم الوكيل ، طيب المشكلة وين ؟ اقصد الحل شنو؟ احا يازول قالو ليك جاى جاى فى واحد معانا من المجموعة الاولى ، يعنى من بتوعن (السجارات) وكده ، ناقش (السواحيلى) اظرد من (الكيكيو) زااتهم ، صاحبنا ده (رندك) للفارات ديل والحكاية ما اخدت دقيقة خشينا ليك طوالى فى صالة مغلقة (فريى زون) ياخى اشتغلنا ليك فى السجارة دى جنس شغل!! وبالمناسبة اخوكم بيضرب سجارة (حمراء) عشان ماتجيبو لينا الهوا ساكت مع ناس (المكافحة) ديل وهذه مالزم تنويهه وشكراً.
كانت الطائرة الكينية المتوجهة الى جوهنسبيرغ من طراز (الايرباص) فى قمة الفخامة والاناقة والروعة والجمال ، اول حاجة المضيفات ديل تلقى الواحدة منهن دعجاء فرعاء عفراء جثلة الشعر ، مصقول عوارضها ضامرة الخصر كعنق زجاج هادى اللون طرفا ساجيا وده بعربى جوبا معناتا بدون (كريم) ، لينة الارداف ، ناعسة النظرات ، عزيزى القارئ (الكلام ده ارجو ان تقراها فى سرك وبعيدا عن اعين (من تحب) عشان ما تجيب لي نفسك الهوا) ، واخر يوم تقول انو ود ايزك ده ياهو السبب ، وصلنا مطار( اوليفرتامبو) بجوبيك ، (الباء) حرف جر، والاسم هو الاسم المحبب لسكان جنوب افريقيا اطلاقها على عاصمة بلادهم ، عرفت انا من حادثة (السجارة) بتاعت مطار نايروبى انو التدخين ممنوع فى اغلب الاماكن ، ولكن قصة انك تقيف فى الصف سواء اكان فى السوق او سوبر ماركت او مواصلات او فى اى مكان فدى الحاجة (الوحيدة) الما قدرنا (نبلعا) نحن الجنوبيون ، القادمون من دولة جنوب السودان حيث شراء الرغيف من الفرن بي (نيكاما) وممكن تطلع ليك بى (زلطة) او حتة (ورمة ) جراء ذلك !! وبما ان عقولنا حتى تلكم اللحظة لم تكن لتستوعب باننا لسنا الان فى سوق كنجوكنجو او نياكرون ، فلقد تأخرنا عن الموعد المفترض فيها مغادرتنا من المطار الى الفندق نصف ساعة ، والتأخير عن الموعد المحدد فى جنوب افريقيا ولو دقيقة واااحد بس زى جريمة كتل ، وسوف اشرح لك ذلك فى الحلقة القادمة ، بس تابعونا على (بانوراما أكشن) !! المشكلة عزيزى القارئ انو واحد من (الجنوبيين) قام نط السلك اقصد تجاوز احد حواجز العبور ، وخلى ليك الناس فى الصف وراهو ومشى طواااالى للموظف بتاع (الكاونتر) عشان يختم ليهو فى (الجواز) حقتو تأشيرة دخول ، بتاع الكاونتر ما اشتغل بيهو لحدى ما خلص من الناس الفى الصف حتن قام لفّتْ ليهو ، الامر الذى ادى الى تأخرنا نصف ساعة المذكور ، زريبة هى وللا مراح غنم ، انت قايل نفسك وين يا بول ايزك!! غايتو يا جماعة الجنوبيين ديل بيعملوا حركات عجيبة خلاس! اول يوم فى جنوب افريقيا (كارثة) دايرة ليها (لجنة) لادارتها ، اول حاجة بيصادفك حاجات ما كنت بتسمع بيها الا فى البى بي سيى والاذاعات العالمية ، لانو درجة الحرارة الان بجوهنسبيرغ تلاتة درجات تحت الصفروانا شخصيا ماعارف (المكيف) شغال (سخّان) وللا (السخّان) شغال (مكيف)!! دروشتونا معاكم ياعالم ، خشيت (الحمام) ولأن الاجواء كانت قارصة فلقد فتحت (الدش) وليتنى لم افعل ، عزيزى القارئ خلى بالك واحسب معاى الزمن ده ممكن (تنقش) حاجة ، ففى الثانية الاولى تطايرت الشعيرات من جلدى وصارت ملساء زى حقت (الجداد) الثانية نمرة اتنين ونص ، او الثانية نمرة اتنين شوكة ، اخوك لقى نفسوا فوق السرير، ويقول الكاتب انو (جاكى شان) لحدى يوم الليلة لايزال يتدرب على هذه (القلبة) عشان يطبقا وما قدر ، انت فارة ولاشنو؟ فلقد ادارعمك (تنقو) الزر الذى يسكب الماء الساخن ، والحمد لله عشان انحنا جنوبيين وجدنا انفسنا اكثر من خمسة (نفر) عملوا نفس (الحركة) شفتا كيف؟ نقيف هنا ....والقاكم .







الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى