منتديات البروف لايف
مرحبا بك في منتديات البروف لايف اخي/اختي الزائر ندعوك للتسجيل في المنتدي للاستفادة من الخدمات الممنوحة للاعضاء
<div style="text-align:center">
<iframe scrolling="no" frameborder="0" src="//mellowads.com/view/316AFB2B5995" style="overflow:hidden;width:468px;height:60px;"></iframe>
<div>
<a href="//mellowads.com/networkspace/316AFB2B5995" target="_blank">Advertise here اعلن هنا باقل الاسعار </a>
</div>
</div>
المواضيع الأخيرة
عرض التعبئة المميز والجبارالجمعة مارس 25, 2016 8:13 amxxxman
قصة فتاه بالابتدائيةالإثنين مارس 21, 2016 9:06 amxxxman
لغز سفينة ماري سيلستالإثنين مارس 21, 2016 9:01 amxxxman
رجل يتزوج من جثة صديقتهالإثنين مارس 21, 2016 8:56 amxxxman
اغرب دولة بدون اطفالالإثنين مارس 21, 2016 8:40 amxxxman
امراءة لم تنم منز 31 عاماالإثنين مارس 21, 2016 8:36 amxxxman
سبحانك ربي ما أعظمكالجمعة مارس 18, 2016 9:44 pmانور زياية
بحـث
نتائج البحث
بحث متقدم
سحابة الكلمات الدلالية

المخفية  اختراق  برنامج  الشبكات  شبكات  الواي  اظهار  


شاطر
اذهب الى الأسفل
avatar
proof latefu
المدير العام
ذكر عدد المساهمات : 180
نقاط : 10464
السٌّمعَة : 11
تاريخ التسجيل : 22/07/2014
الموقع : http://proof.arab.st

اللجنة العليا لتوزيع (التراكترات)!!

في الثلاثاء أبريل 28, 2015 12:34 pm
بقلم / بول ايزك بطال شوية
imanbata@gmail.com
ينشر بالتزامن مع جريدة (الموقف) الورقية .

بعد ان اعلنت السلطات فى جمهورية (الواق واق) عن وصول عدد كبير من (التراكترات) الزراعية وهسع قاعدة جنب (البحر) طوااالى (جماعتك) قاموا (سرعة سرعة) بتكوين لجنة اسموها (ل ،ع ، ت ، ت) أى اللجنة العليا لتوزيع التراكترات ، لأنو (ضمان) مافى يا جماعة ، احتمال (الزول الكبير) يغير رأيو ، عشان كده لازم (نضرب) التراكترات، اقصد الحديد وهى (ساخنة) !!، شهد اليوم الاول لإجتماع اللجنة ، بعد مرور عام كامل من استلامها لهذه التركترات ، سجالاً ساخناً بين الاعضاء ، حول كيفية توزيعها والجهات التى تستحقها ، يا جماعة أفتكر إنو... ابتدر (عمك نظريات) المحامى ، مقرر اللجنة الحديث ...افتكر إنو اللجنة قبل كل شئ لابد لها من ان تهيئ (المناخ) الملائم لاعضائها الموقرين اللذين ارهقتهم المداولة حول هذا الموضوع سنة كاملة ولقد كان من اسباب (فشل) الموسم الزراعى العام الماضى ، اقصد فشل توزيع هذه التراكترات العام الماضى (التحديات) التى واجهت هذه اللجنة اهمها ، عدم توفر المواصلات لاعضاء اللجنة على سبيل المثال ما عندنا ( فى Cool أو(بارادو) أو (بى أم دبليو) ، يأخى (المواطنين) يقولوا شنو لامن يشوفوا عضوا اللجنة العليا لتوزيع (التراكترات) راكب ليهو عربية من ماركة (بريمو) وللا (ماك تو) ، فإلاهانات التى صدرت العام الماضى من قبل هؤلاء المواطنين عندما رأونا (نمتطى) هذه السيارات (البائدة) كانت غير مقبولة على الاطلاق ، ودونكم زميلنا عضو اللجنة المحترم الاستاذ (حسن سيجارات) الذى تعرض لموقف مهين من قبل بعض المواطنين الذى (مطّ شفتيه) بإمتعاض وعمل (حركات) غير (اخلاقية) بيديه ، حينما شاف اخونا (حسن سيجارات) سايق ليهو ميتسو بيشى لانسر!! الامر الذى ادى الى اصابته بى (نفسيات) ولولا وقوف اللجنة الموقرة الى جانبه ممثلة فى الاخ (ابوسفة) الذى اقرضه مبلغ مليون دولار ، عشان يقضى فترة (نقاهتو) فى (نايروبى) كان خلااااص اخونا ده (إتلحس) ومن هنا دعونا نصفق للاخ ابو سفة الذى قام بهذا العمل النبيل ، الدنيا ما معروفة إحتمال أى واحد فيكم يمر بنفس الظروف المرّا بيهو اخونا حسن سيجارات ، ثانياً من الاسباب التى ادت الى عدم عدم توزيع هذه التراكترات خلال العام الماضى هى توفرأجهزة (الاتصالات) زى الايباد والسامسونق قلاكسى والبلاك بيرى والايفون لاعضاء اللجنة ، يعنى نوزع التراكترات دى كيف والموبايلات حقتنا (عادية) ما فيها تقنية (البلوتوث) عشان نقدرنسمع (صوت ) المكنة بتاعت التراكتر، كان شغالة (هزاز) وللا (صامت)؟؟؟ ؟ ، مش كده وبس لاكين كمان التطبيق بتاعت (الجى بى أس) مهمة جدأ فى تحديد مواقع (التراكترات) لو مثلاً لاقدر الله إنوالتراكتر ده ، وقع فى يد واحد من (المواطنين) فإننا ببساطة نستطيع ان نلقى القبض على هذا (المجرم) ونرجّع التراكتر لاصحابها من (المسؤليين ) فى اقل من ثانية ، وكمان ما تنسوا إنو العام الماضى فشلنا لأنو (اللجنة) ما قدرت تتخاطب (اليكترونيا) بين اعضائها عبر تقنية (الاسكايب) لأنو التلفونات (العادية) ما بتوفر للعضو فرصة رؤية العضو الاخر كان لابس شنو؟ وللا حالق شعرو كيف ؟ وهل اشترى ليهو سلسلة (دهب) مثلما كان (اسلافنا) من الحركة الشعبية يرتدونها حينما دخلوا بلاد (الواق واق) ؟ ام ان هذا النوع من (الجنصصة) قد عفا عنها الزمن ؟؟ ، وحتى مؤتمر (الفيديو كونفرس) الفشل يوم داكا ، كان بسبب عدم توفر الموديل الجديد بتاعت (الايفون)اللى كميرا الفيديو حقتا بتطلع الصورة فى شكل (ثلاثية لابعاد) ...ثالثاً ، ودى (القشة ) التى قصمت ظهر البعير ، عدم صرف (الحوافز) لاعضاء اللجنة فعلى الرغم من ان اللجنة المالية (المنبثقة) عن اللجنة العليا لتوزيع التراكترات قامت بمجهودات جبارة فى جمع الايرادات (غير البترولية) عشان توفر (الديزل) لهذه التراكترات وقامت قفلت الشوارع والطرق الرئيسية بالحبال والاخشاب ، الى جانب عمل اللجان (الفرعية) الاخرى فى المحليات القاعدة تقوم بى عمليات تحصيل (الضرائب) من المزارعين والخضرجية وبائعات (التمليكة والكروفو) فى الاسواق والدكاكين وامام البارات واللوجات فضلاً عن ناس (الشباتى) و(الاقاشى) إلا ان (الموطنين ) عاملين فيها كأنو ما حصل حاجة ، وهذا ما أدى الى ترجيح كفة العجز فى (الميزانية) حينما قامت اللجنة بتطبيق (نظرية) ازالة (العرض) من السوق وزيادة (الطلب) فى الاماكن العامة ، الذى ابتكرها الزميل (جون فكة) سكرتير الشئون المالية باللجنة .
مش كده وبس لاكين كمان أضف الى ذلك (العقوبات) التى تم فرضها على البلاد من قبل (مجلس الامن) وبالتالى مافى (دولار واحد) خشى البلد ، وإنتو عارفين انو اللجنة حقتنا دى ما بتتشتغل إلا بالدولار!! أفرض مثلاً التراكتر ده (اللستك) حقتو (قدّة) اول تبادى (الرقعة) و(السيلسيون) البيرقعوه بيها لازم نجيبا من دولة (أجنبية) بالدولار، بعدينك (الرقعة) زاااتها داير ليها (خبيرأجنبى) عشان يقوم (يرقع) اللستك اياه ، وده بيكلفنا آلاف (الدولارات) بررره من الاعاشة و(المانى بوكت) زايدن حقت الفندق للاجنبى المذكور!! ومن هذا المنطلق دعونى اقول لكم بكل (شفافية) إنو العام الماضى شهد عمليات (قدّ) للساتك حوالى (اتنين) تراكتر الامر الذى ادخلت اللجنة فى مطب (ضيق) وجعلتها تتخذ قرارأ تاريخيا بتطبيق الاجراءآت (التقشفية) ممثلة فى بيع حوالى (خمسمية) تراكتر لدول الجوار، للمساهمة فى (ترقيع) اللساتك المقدودة لهذين التركتراين وده (إنجاز) يحصل لاول مرة يا كمرد !!سيدى الرئيس و(الكلام لى عمك نظريات المحامى) ... الاسباب التى ادت لعدم توزيع التراكترات خلال العام الماضى ما عندو (نهاية) ...عندك مثلاً الاحتباس الحرارى ، والازمة الراهنة بالبلاد ، فضلاً عن مشكلة أبيي ، لاكين انا بشوف إنو ارتفاع الدولار ياهو القاعد يعيق (سيرالاداء) عليه فقد رأت لجنتكم الموقرة إنو قبل (الشروع) فى عمل أى حاجة لابد من توفير (المناخ) الملائم لأعضاء اللجنة حتى يقوموا (بادوارهم كاملة) فى ظل هذه الظروف (الحرجة) التى يمر بها البلاد ، وهنالك مثل بالدارجى ، والكلام لسع لى (عمك نظريات) المحامى فى مثل بالدارجى بيقول : الزيت لو ما كفى البيت يحرم على الجيران و.... وقاطعه الجميع بتصفيق (حار) وصوت (زغرودة) واااحده بس من (ممثلة المراءة) باللجنة (عوضية شمارات) ... نعم فاللجنة تقترح على السيد الرئيس توزيع ما تبقى من التراكترات على اعضاء اللجنة ، ولازم كل عضو يطلع (لستة) بتاعتو يحتوى على عدد (أفراد الاسرة) باعتبارهم الأولى ، وبعد التوزيع دايرين منكم (لستة) تانية يحتوى على الاهل والاقارب والاصدقاء والاصهار ....والدعوة عامة .
بعد داك انتقل الاعضاء لمناقشة البند (نمرة اتنين) وتلاتا واربعا وخميس وجمعة وسبت والاحد والإتنينى مرة اخرى حول توزيع التراكترات للمؤسسات (الحكومية) والولايات ...ياجماعة ... اثار العضو (لادو لو ديون) الحديث حول هذا البند ...يا جماعة فى مشكلة (خطيرة) إنتو ما قاعديين تنتبهوا ليها !! صمت الاعضاء وطفقوا يستمعون اليه بصورة اكثر جدية ، ثم واصل .. شوفوا هنا ، البلد ده فيهو أكتر من ستين قبيلة ، يعنى ما حقت (الدنمارك) أو (النرويج) برراهم ، يأخى انحنا صبرنا ليكم كتير خاااالص ، لاكين وللاااااهى (الدور ده) خلااااص انحنا (كفّرنا) ، لذلك أرى أنو اللجنة تولى هذا البند الاولوية القصوى ، وأى زول بيقول منصب النائب الاول ما حقت الاستوائيين الزول ده عندنا (معاهو مشكلة) ، ملحوظة من الكاتب : الاستوائيين المعنى هنا هم (الاستوائيين) بتوعن (البرازيل) عشان ما يجينا واحد ويقوم يعمل فيها (متحرى) وهذا مالزم تنويهه وشكراً !! نرجع لموضوعنا ... واضاف (لو ديون) ... الاستوائيين ديل لازم نديهم الاولوية ورا ناس (الحكومة) طوااالى ، نقطة سطر جديد .
وفى مكان اخر من البيامات والبومات (المحررة) التى استولت عليها حركة (التمرد) تم تشكيل لجنة عليا لتوزيع التراكترات ، بذات صلاحيات واختصاصات اللجنة العليا لتوزيع التراكترات التابعة للحكومة ، تحت شعار : مافى لجنة أعلى من لجنة ، نكون سوا زى قش كبريت ، ومن مهام وإختصاصات اللجنة العليا لتوزيع التراكترات التابعة للمعارضة :
اولاً ،الاستيلاء على هذه التراكترات من ايدى الحكومة ، وتسليمها (حى) لحركة التمرد .
ثانياً ، عمل (لستة) من قبل اعضاء اللجنة ، الفى (المعارضة) يحتوى على عدد افراد الاسرة باعتبارهم الاولى ، وعمل لستة اخرى منفصلة يحتوى على اسماء الاهل والاصدقاء والاقارب والاصهار بالضبط زى حقت اللجنة العليا لتوزيع التراكترات التابعة للحكومة .
ثالثاً ، فى حال عدم التوفيق فى الاستيلاء على هذه التراكترات من ايدى الحكومة ، كما ورد فى الفقرة الاولى اعلاه ، ينبغى الاحتكام لوسطاء (الايقاد) بغية تقسيم السلطة و(التراكترات) بنسبة 50% بين الجانبين .
رابعا ، لاينبغى للمعتقلين السياسيين السابقين المشاركة فى المفاوضات الخاصة بتوزيع التراكترات ، وأى زول يقول سيك ميك طوااالى بنديهو (قرنيت) ديل ناس (كيانة) !! .
واللااااهى لاكين يا المزراعيية (التراكترات) دى إلا تشموها قدحة و...القاكم .







الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى